Samsung Galaxy S10 ќе биде претставен на 20 февруари

Samsung Galaxy S10 ќе биде претставен на 20 февруари

Samsung планираат да го претстават долгоочекуваната Galaxy S10 серија смартфони денови пред стартот на Светскиот мобилен конгрес 2019 (25-28 февруари). Наместо тоа компанијата ќе одржи истовремени настани во Сан Франциско и Лондон на 20 февруари. Тогаш ќе го видиме за прв пат јубилејниот паметен телефон, кој ќе одбележи десет години од премиерата на оригиналниот Galaxy S. Новата серија ќе вклучува најмалку три модели и еден од нив ќе поддржува 5G мрежи.

Поместувањето на премиерата денови пред стартот на мобилниот конгрес во Барселона (СМК) се очекува да создаде голем интерес меѓу корисниците и медиумите кон Galaxy S10. Можеме да бидеме сигурни дека Samsung ќе го искористат и СМК 2019, за да ги промовираат своите нови модели во сегментот на премиум смартфони. Компанијата ќе ги демонстрира и можностите на подобрената верзија на својот паметен телефон со флексибилен дисплеј на настанот на 20 февруари, јави „АндроидАуторити“.

Овој модел најверојатно ќе се продава во лимитирана серија и според непотврдени информации ќе чини околу 1.750 – 1.850 долари. Големо прашање е дали поддршката на 5G нема да ја зголеми до слични вредности цената на другите верзии на Galaxy S10. Во секој случај не очекуваат многу интересни настани од најголемиот производител на смартфони со „Андроид“.