ПСЖ се реши околу договорот на Икарди од Интер

ПСЖ се реши околу договорот на Икарди од Интер

Мауро Икарди сезонава го облече дресот на Пари сен Жермен и тоа како позајмен играч од Интер. Аргентинецот одлично се снајде во францускиот првак, иако во екипата има врвни голгетери како што се: Нејмар, Мбапе и Кавани. Икарди даде 17 погодоци во првиот дел од сезоната и покажа дека е вистински играч за Светците.

Напаѓачот влезе во криза во последните два месеци, кога го загуби местото во првиот тим, а даде само три гола во овој период. И покрај тоа, ПСЖ во летниот преоден рок се очекува да го откупи договорот на некогашниот капитен на Интер.

Според клаузулата во договорот, ПСЖ ќе треба да му плати на Интер дури 70 милиони евра, сума која сепак може и да се намали ако се знае какви штети во фудбалот направи пандемијата од Коронавирусот.