Марко Џампаоло седнува на жешката клупа на Милан

Марко Џампаоло седнува на жешката клупа на Милан

После бројните шпекулации околу тоа кој ќе го наследи Гатузо на тренерската позиција во Милан, сега стана конечно јасно – тоа е Марко Џампаоло.

Милан синоќа и официјално го потврди ангажманот на сега веќе поранешниот тренер на Сампдорија.

Марко Џампаоло потпиша договор со Милан до 2021-ва година, а исто така има можност договорот да биде продолжен на уште една дополнителна година.

51-годишниот Џампаоло својата кариера ја започна како помошник во Пескара во сезоната 2000/2001, а првиот тренерски ангажман го доби во Асколи во 2004-та година. Потоа беше тренер на Каљари, Сиена, Катанија, Чезена, Бреша, Кремонезе, Емполи и Сампдорија.

Инаку, Сампдорија минатата сезона под водство на Џампаоло заврши на деветото место на табелата во Серија А.