Кристапс Порзингис ќе се пресели во Далас!

Кристапс Порзингис ќе се пресели во Далас!

Кристапс Порзингис кариерата ќе ја продолжи во Далас Маверикс, објави познатиот НБА инсајдер Адријан Војнаровски.

Летонецот најпрвин изразил незадоволство од состојбата во Њујорк, а веднаш потоа ЕСПН објави дека Никс и Маверикс договориле трејд.

Покрај Порзингис во Далас од Њујорк ќе се преселат Кортни Ли и Тим Хардавеј Јуниор, додека Никс од Маверикс ги добија Весли Метјуз, Денис Смит Јуниор и Деандре Џордан.

Порзингис пред една година ги скина лигаментите на левото колено, на натпреварот против Милвоки Бакс. Една година по повредата сè уште не е познато кога тој ќе се врати на терените.

За три сезони, колку што трае неговата кариера во НБА лигата тој има просек од 17,8 поени, 7,1 скока и 1,3 асистенции по натпревар. Порзингис на драфтот во 2015 година беше избран како четврти пик.