Истегнување – Дали знаете кој мускул го истегнувате со одредено движење?

Истегнување – Дали знаете кој мускул го истегнувате со одредено движење?

Не е важно дали сте во постојана седечка положба, активно вежбате или активно работите. Мора да знаете дека секојдневно треба да ставате акцент на истегнувањето.  Дали при вежбање јога, фитнес тренинг и така натаму, дали знаете кој мускул го истегнувате ? Второ прашање е дали воопшто знаете правилно да го направите тоа истегнување ?

Доколку чуствувате притисок во зглобот, тогаш значи дека премногу давате сила, треба да го чуствувате ова истегнување во внатрешноста на мускулот.Додека истегнувате фокусирајте се на вашето дишење и изведувајте ги движењата што е можно поприродно.

Не се грижете за долготрајноста на вашето истегнување, фокусирајте се на релаксирање на вашиот мускул и почуствувајте како тој полека ја враќа  својата релаксирана должина.За ова да се постигне се потребни околу 5 до 30 секунди за еден мускул.

1.Првата слика покажува еден вид истегнување кое е резервирано за луѓе кои веќе се пофлексибилни. Седнете на колена и потпирајќи се на вашите подколеници истегнете се наназад, со вашите дланки опфатете ги стапалата и истегнете што е можно повеќе. Избегнувајте да ја префрлате тежината на вашата кичма. Доколку имате проблеми со вратниот дел од ‘ рбетот немој да ја зафрлате главата наназад.

2.Втората положба за истегнување е добра за истегнување на делот околу колковите и внатрешниот дел на вашите надколеници. Грбот нека ви биде исправен,најпрво во положба со свиткани колена почнувате полека да ги ширите нозете и кога ќе почуствувате дека ви се релаксира внатрешниот дел од нозете можете да ги исправите и да се доведете во положба како што е прикажана на сликата. За да доистегнете пробајте со вашите раце да ги дофатите вашите стопала, а доколку не можете послужете се со крпа или некоја лента опфатете го стопалото.

3.и 4 Слика ви покажуваат истегнувања каде што најпрво треба да се релаксирате во рачните зглобови и полека да ги изведувате истегнувањата, но пред се нека бидат изведувани на помека подлога конкретно за сликата бр.3 поради притисокот на коленото.

5. Во оваа положба треба да имате исправен грб и притисокот кој ќе го додавате над вашите колена треба да биде умерен и бавен, не брзајте.

6.Пред да го започнете истегнувањето како на сликата, направете неколку кружни движења со вашето рамо за да го релаксирате, откако ќе го направите тоа започнете да истегнувате со тоа што ќе си додадете притисок од спротивната рака.

7.На слика 7 ви е прикажано странично истегнување на вратот, за овие вежби може да бидете седнати на столче и да се изведуваат пред огледало. Увото го доближувате накај рамото со тоа што рамената да се релаксирани, движењата се само во вратот и бидете сигурни дека не правите притисок на вратната кичма ( да ја движите главата наназад ).

8.Ја движите брадата накај рамото, рамената се релаксирани и за додатно истегнување си помагаме со спротивната рака.

9.Истегнувањето да не го прават личности кои имаат проблем со вратниот дел на ‘рбетот . Ги поставуваме рацете на колкови и полека ја зафрламе главата наназад, но до степен да не се прави притисок на ‘ рбетот.

10.За оваа слика важи истото движење како на слика бр.7 , додаваме притисок минимален со раката, без тегнење присилно .