Детето на принцот Хари и Меган Маркл ќе влезе во историјата поради неколку причини

Детето на принцот Хари и Меган Маркл ќе влезе во историјата поради неколку причини

Детето на Меган Маркл и принцот Хари ќе влезе во историјата поради неколку причини, а една од нив е и тоа дека новиот британски кралски наследник, официјално, ќе биде бебе кое припаѓа на две раси.

Таткото на Маркл е белец, а нејзината мајка е Афроамериканка. Иако во 19 век се претпоставувало дека кралицата Шарлот имала африканско потекло, тој случај никогаш не беше официјално потврден, за разлика од актуелниот.

Бебето ќе биде првото дете во кралското семејство со право на американско државјанство, со оглед на тоа што Меган Маркл сè уште е американска државјанка. Во случај да не се откаже од американското државјанство, таа ќе продолжи да плаќа даноци во САД, а истото го чека и нејзиниот син или ќерка.

Новороденчето ќе биде седмо во редот за круната, но нема веднаш да стане принц т.е. принцеза. Најверојатно, ако е момче, тоа ќе ја носи титулата гроф од Думбартон, а ако е девојче, ќе ја добие титулата лејди. Титулата војвода од Сасекс ќе го наследи само првото машко дете на принцот Хари, што значи дека титулата ќе исчезне ако Меган и Хари немаат синови.

Детето ќе порасне во резиденцијата Фрогмор котаџ, каде што ниедно кралско дете не израснало со векови.