Буфон го напушта ПСЖ, доаѓа Трап!

Буфон го напушта ПСЖ, доаѓа Трап!

Легендарниот италијански фудбалски голман, Џанлуиџи Буфон по само една година помината на „Паркот на принцовите“ го напушта тимот на ПСЖ, пишува германски „Билд“.

41-годишниот чувар на мрежата по истекот на договорот нема да добие можност за продолжување на соработката затоа што францускиот клуб планира да му овозможи на Кевин Трап, голманот кој е на позајмица во Ајнтрахт Франкфурт, да застане меѓу стативите.

Покрај трап, за голманската позиција во ПСЖ конкурира и Французинот, Алфонсо Ареола, па сега останува непознато кој ќе биде следниот потег во кариерата на Буфон.

Италијанецот не се прослави на голот на ПСЖ, а имаше голем удел и во елиминацијата на „светците“ од Манчестер Јунајтед во осминафиналето од ЛШ.