5 здрави начини да го контролирате апетитот

5 здрави начини да го контролирате апетитот

Само што јадевте пред 30 минути и повторно сте гладни. Оброкот  од 200 калории (првиот од шесте) едноставно не ви беше доволен.  Сега, пиете голема количина вода за да пополните празнината во следните 2 часа за вашиот следен оброк и се чувствувате дека не знаете што се би направиле само за да дојдете до храна најбрзо можно!

Ви звучи познато ? Сите сме ги имале овие проблеми со апетитот. Неоддамна оваа тема стана многу популарна и секаде се препорачуваат суплементи кои прават сурпресија на гладот, но тие и не се баш ефективни. Всушност, најдобрите методи кои докажано работат се природни и научни. Еве ги најдобрите 5:

1.  РАЗДЕЛЕТЕ ГИ ОБРОЦИТЕ ВО ПОГОЛЕМА ВРЕМЕНСКА РАМКА

Со години и години слушаме дека конзумирањето на оброци секои 2-3 часа ќе го “забрза” метаболизмот, но постојат бројни истражувања кои го докажале спротивното. Како и да е, илјадници луѓе го практикуаваат овој начин со надеж дека нивниот метаболизам ќе стане брз како “ракета”.  Наместо, треба да се фокусираме на храната која ја внесуваме целокупно дневно/неделно/месечно. Всушност, доколку јадете на секои 2 часа, ќе го научите телото да го лачи хормонот за глад – Ghrelin во одреденото време за оброк. Што би значело, и да не сте гладни ќе се чувствувате така поради лачењето на тој хормон.

Совет: Разделете ги оброците на 4-5 часа за да си дозволите правилна дигестија и да го научите телото да чувствува потреба за храна кога навистина е тоа потребно. Ова ќе ви овозможи да јадете поголеми оброци и да се чувствувате сито подолго.

2. ПРАКТИКУВАЈТЕ “ПРИВРЕМЕН ПОСТ”

Сте се почувствувале некогаш колку сте гладни веднаш после првиот оброк ? Нивото на кортизолот (стрес хормонот) ги достигнуваат највисоките нивоа наутро и кога конзумираме оброк, доведува лачење на поголеми нивоа на инсулин од вообичаено. Ова пак доведува до голем пад на шеќерот во крвта и крајниот резултат е чувство на глад после оброк. Исто така може да се чувствуваме летаргично и заморено после првиот оброк.

Совет: Пробајте да го конзумирате првиот оброк неколку часа од кога ќе се разбудите. Ако се чувствувате добро, јадете уште подоцна. Но, ако тренирате наутро ќе треба да ја смените оваа стратегија.

3. КОНЗУМИРАЈТЕ ПОВЕЌЕ ФИБРИДИ

Покрај тоа што е круцијално за дигестијата и цревата, фибридите се одлични за “заштита” од гладот и контролирање на апетитот. Фибридите помагаат да се успори дигестијата на храната, а со тоа ќе се чувствувате сити подолг временски период.

Совет: Пробајте да внесувате повеќе храна која содржи голема количина на фибриди како што е зеленчукот (зелката, брокулата, карфиолот), овесот и одредени овошја (како што е јаболката) за да го контролирате гладот.

 

4. СПИЈТЕ ДОВОЛНО

Дали знаевте дека ако спиете малку или неквалитетно, може да доведе до големи промени во апетитот ? Важно е секоја вечер константно да имате адекватен сон. Повеќето луѓе имаат потреба од 6-8 часа на квалитетно спиење секоја вечер. Вложете напор да спиете доволно, вашиот апетит ќе ви биде благодарен.

5. КОНЗУМИРАЈТЕ КАФЕ И ОВОШЈЕ КАКО УЖИНА

Црното кафе може навистина да помогне во врска со апетитот! Конзумирајте 1 или 2 шолји наутро за да го контролирате утринскиот глад со вашиот оброк. Исто така, ако почувствувате силен глад и имате потреба од храна, големи се шансите дека гликогенот од црниот дроб е истрошен. Конзумирањето на мало парче овошје ќе помогне да се надополнат резервите, а и со тоа гладот ќе биде исконтролиран.

Ова се неколку совети кои можат да ви помогнат. Нашето “патување” кон поздраво тело не е само физичко, всушност примарно е ментална битка со промените кои сакаме да ги направиме. Трпењето на “болката” од голем глад и големи промени во апетитот нема да ги олесни работите. Научете да ги контролирате и ќе забележите одлични резултати!