5 начини да го спречите гладот на диета!

5 начини да го спречите гладот на диета!

Постојат многу работи кои можат да ве одвлечат од правилниот пат кога сте на диета, но на крајот се се сведува на ист причинител – гладот!

Контролирањето на апетитот и гладот е една од најтешките работи кои треба да се направат за да се има добри резултати. Еве 5 начини како да се справите со тоа!

  • ПОЈАДУВАЈТЕ!

Конзумирањето на првиот оброк во првите 30 минути од кога ќе се разбудите може да има значително влијание колку ќе јадете и колку гладни ќе бидете во остатокот од денот. Појадок, или на англиски breakfast значи “break the fast”, што би значело “прекин на гладот” , односно она што сме го правеле во текот на ноќта додека сме спиеле. Додека спиете, телото останува без храна 5-7 часа, така што прескокнувањето на првиот оброк само ќе го пролонгира периодот кога телото ќе прими било каква храна. Што всушност треба да јадете е прилично едноставно – извор на протеин како што се целите јајца, сложени јагленохидрати со фибриди како што е овесот и имате одличен почеток на денот. Протеините обезбедуваат амино киселини за мускулите, додека овесот обезбедува фибриди кои даваат чувство на ситост.

  • КОНЗУМИРАЈТЕ ФИБРИДИ

Контролирањето на гладот помеѓу оброци е полесно кога конзумирате фибриди. Фибридите помагаат да се успори дигестијата во желудникот, дозволувајќи спор и константен доток на нутриенти во крвотокот. Препорачаната дневна доза на фибриди кај маж е 38 грама. Ова може да се постигне со конзумирање на зеленчук кој е богат со тоа како што е зелката, брокулата, спанаќот и карфиолот, заедно со цели зрна како што е овесот. Конзумирањето на фибриди во секојдневната исхрана не само што контролира и шеќерот во крвта, туку помага и за прочистување на цревата од токсини и за намалување на естрогени компоненти кои можат да имаат негативен ефект на хормоналните нивоа.

  • ЈАДЕТЕ РЕДОВНО!

Се мислеше дека конзумирањето редовно и често помага за забрзување на метаболизмот, што не е вистина. Вистинскиот бенефит на фреквентни оброци е контрола на нивоата на шеќер во крвта. Кога нивото на шеќер во крвта е како што треба, тогаш гладот е минимален. За оптимални резултати, конзумирате 5-6 оброци во денот, на секои 3-4 часа. Гледајте секој оброк да содржи протеини, фиброзни зеленчуци и 2 или 3 од тие оброци треба да содржи извор на сложени јагленохидрати како што е овес, ориз, интегрални тестенини и слично.

  • ЗАБОРАВЕТЕ ШЕЌЕРИ И АЛКОХОЛ

Шеќерот ги крева нивоата на глукоза во крвта и предизвикува лачење на инсулин, кој ja “чисти” глукозата од крвта и ги транспортира и складира во мускулите или сало. Оваа акција предизвикува нагол пад на нивоата на глукоза, а со тоа се зголемува гладот! Ова слично важи и за алкохолот. Со конзумирање на алкохолот, телото се менува од метаболизирање на храна на метаболизирање на алкохол, спречувајќи други процеси како што е топење на мастите и градење на мускулната маса. Исто така може да има големо влијание за вашата потреба за благо. Нивоата на глукоза во крвта паѓаат затоа што телото не може да метаболизира јагленохидрати затоа што е зафатено со процесирање на алкохолот. Исфрлете ги овие “штетници” од вашата диета ако сакате сериозни резултати!

  • ПИЈТЕ ПОВЕЌЕ ВОДА!

Константната хидратација можеби е еден од наједноставните начини да се намали и контролира гладот. Дехидратацијата може да биде погрешно разбрана како глад. Избегнете ја дехидратацијата конзумирајќи 4-5 литри вода во текот на денот. Конзумирањето на доволно вода исто така ќе помогне за подобро процесирање на храната, вашиот метаболизам да функционира оптимално и нутриентите ќе бидат правилно доставени до мускулите!