Бидејќи е една од најретките состојби на светот, шансите некоја личност да биде заболена од "Врколак Синдромот" се навистина многу мали и токму затоа многу експерти не можат да објаснат како трите сестри и мајката од семејството Сангли боледуваат од оваа генетска мутација која се појавува кај еден од милијарда луѓе.

Сестрите Савита (23), Мониш (19), Савитри (15) и нивната мајка Анита Самаџи Раут се родени со синдромот "hypertricosis universalis" кој делува на раснењето на влакна низ целото тело и лицето.

Имено, оваа болест позната и како "Врколак Синдром" се создава во клетките кои остануваат отворени на области од телото каде што не е вообичаена појавата на влакна со што се предизвикува постојан раст на коса на најнеобични места.

Лицето на сестрите изобилува со огромно количество на влакна кои не можат да се отстранат бидејќи постојано се обновуваат, а освен со традиционалните методи за вадење на влакната, познат лек за болеста се уште не постои.

По битката против реткиот синдром од кој боледуваат уште од најраното детство, девојките сега се решени да ја контролираат болеста со помош на специјална крема за отстранување на влакната.

Постојат два типа на синдромот "hypertricosis" од кои едниот го погодува целото тело, а вториот е присутен само на некој специфичен дел и, освен од раѓањето, болеста може да се појави во некој подоцнежен период од животот.