Самсунг ги произведе најдобрите три лаптопи со најиздржливи батерии досега!

Самсунг ги произведе најдобрите три лаптопи со најиздржливи батерии досега!

Јужнокорејската компанија Самсунг одлучи да не го чека саемот “CES” (Consumer Electronics Show) во јануари и веќе ги претстави трите нови лаптопи со подобрени батерии.

Првиот е Notebook 9 Pen кој што воедно е и најинтересен од сите. Станува збор за 2 во 1 уред со 13,3-инчен екран кој поседува интегрирано S-Pen пенкало, баш како и Notebook 9 Pro лаптопот на Самсунг кој беше претставен во мај оваа година.

Самсунг го подобри Notebook 9 Pen кој сега ја има осмата генерација на Core i7 процесорот на Intel, потоа 16 GB RAM, 512 GB SSD меморија и резолуција на екранот од 1920х1080 пиксели, односно Full HD.

Баш како и Yoga таблет компјутерите на Леново, Notebook 9 Pen на Самсунг ќе може да се прилагодува на различни начини, за да може да се користи како таблет и да може да се постави на погодна позиција за цртање. Самсунг додаде и HDMI порт, USB-C порт и стандардниот USB порт. Тука е и MicroSD, како и Windows Hello камера за логирање со препознавање на лице.

Самсунг ги освежи и своите стандардни Notebook 9 модели со 13,3-инчен и 15-инчен екран. Тие доаѓаат со Intel Core i7 процесор, до 16 GB RAM меморија и до 1 TB SSD меморија. Моделот со 15-инчен екран ќе има и опциона Nvidia MX150 графичка карта и Full HD резолуција на екранот.

Самсунг и двата модели ги опреми со два USB 3.0 порта, HDMI порт, MicroSD слот и USB-C порт. Моделот со 15-инен екран ќе поддржува и Thunderbolt 3 и дополнителен USB 2.0 порт на поголемиот модел.

Сепак, тоа што е најважно е батеријата која ќе биде „најголемата и најмоќна“ батерија која што ја добива некој лаптоп на Самсунг. Станува збор за 75W Hexacell батерија која што ќе поддржува брзо полнење. Секако, новите лаптопи ќе бидат изложени и на CES саемот, а потоа ќе стартува и нивната продажба.