Автомобил на “General Motors” без волан и педали

Автомобил на “General Motors”  без волан и педали

Автомобилот кој се очекува да се појави на патиштата кон почетокот на 2019 година е изум на компанијата “General Motors”  и е самоуправувачки автомобил наречен “Cruise AV” кој е базиран на “Chevrolet Bolt”. 

Она по што овој електричен автомобил се разликува од останатите е фактот што тој нема ни волан, ни педали.

“General Motors” во моментов очекува дозвола од американската агенција за безбедност во сообраќајот за производство на околу 2.600 возила. Освен федерални, на оваа компанија ќе и’ бидат потребни и дозволи од поединечните држави доколку сакаат ова возило да го пласираат на нивните патишта.

“Cruise AV” е четврта генерација на самоуправувачки автомобили на “General Motors”. Тој е опремен е со 21 сензор, 16 камери и пет ласерски радари, а користи и софтвер кој е развиен во оваа компанија.

Автомобилот поседува и поддршка за звук и слика, како и способност сам да ги затвора вратите, што е важно доколку патниците го заборават тоа по возењето.

Од компанијата не ги соопштија деталите за техничките можности на ова возило, но се претпоставува дека за почеток ќе биде користено само во ограничен простор на кој компанијата ги тестира автономните возила – во близина на Сан Франциско и делови од Мичиген.

Доколку овој автомобил без волан и педали се најде на патиштата во 2019 година, тогаш “General Motors” ќе стане лидер во класата на автономни возила.